Bayılda icra başçısı evlərindən çıxarılan ailələrlə görüşür

Hazırda Səbail Rayon İcra Hakimiyyətinin başçısı Eldar Əzizov Bayıl yamacında sürüşmə baş verən ərazidə təhlükə ilə üzləşən mənzil sahibləri ilə növbəti dəfə görüş keçirir

Bunu İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini İsrafil Kərimov deyib.Qurum rəsmisi bildirib ki, icra başçısı hazırda sakinləri onların yerləşdirildiyi sığınacaqda qəbul edir: "Görüşün məqsədi sakinlərə kirayə evlərə çıxmaq üçün veriləcək kompensasiyalarla bağlıdır".Qeyd edək ki, yanvarın 24-də Bayıl yamacında sürüşmənin aktivləşməsi nəticəsində 90-a yaxın mənzil uçmaq təhlükəsilə üzləşib, 4 ev isə tamamilə uçub. Hadisə ilə bağlı sakinlər ərazidən çıxarılıb və sığınacaqda yerləşdirilib.(Trend)pia.az