Sarkisyan Parisdə danışıqlara başlayır
Ermənistan prezidenti Serj Sarkisyan 22-24 yanvar tarixlərində Fransaya səfər edəcək
AzVision.az “News.am”-a istinadən xəbər verir, Sarkisyan 22 və 23 yanvar tarixlərində Fransa prezidenti Emmanuel Makron və Senatın sədri Jerar Larşe, Parlament sədri Fransua de Ryoji, həmçinin Fransa-Ermənistan dostluq qrupunun üzvləri ilə görüşəcək. Sarkisyan və Makronun görüşünün yekunlarına dair birgə mətbuat konfransı keçirəcək. Paris meriyasında isə Sarkiyan mer Ann İdalqo və erməni icmasının nümayəndələri ilə görüşəcək. Yanvarın 24-də Ermənistan prezidenti Avropa Şurası Parlament Assambleyasının (AŞPA) qış sessiyasında iştirak edəcək və deputatların suallarını cavablandıracaq. Ermənistan prezidenti, həmçinin Avropa Şurasının baş katibi Turbyorn Yaqland, İnsan Haqları üzrə Avropa Məhkəməsinin sədri Qvido Raymondi ilə görüşlər keçirəcək. pia.az