FİFA “Çelsi” barədə araşdırmaya başladı

FİFA “Qarabağ”ın Çempionlar Liqasının qrup mərhələsindəki rəqibi "Çelsi" ilə bağlı araşdırmaya başlayıb

Qol.az-ın "Daily Mail"ə istinadən yaydığı xəbərə görə, London klubu son 8 il ərzində 3-cü dəfə 18 yaşa qədər futbolçuların transfer qaydasının pozulmasında şübhəli bilinir."Çelsi" haqda ilk araşdırma 2009-cu ildə "Lans"dan Qaelya Kakutanın keçidi ilə bağlı olub. Həmin vaxt kluba  iki transfer pəncərəsində futbolçu almağı qadağan edilmişdi. Ancaq sonra "Çelsi" İdman Arbitraj Məhkəməsində apellyasiyanı udmuşdu.Ötən il isə klub barədə Bertan Traoreni FİFA-nın icazəsi olmadan oynatdıqları üçün araşdırma aparılmışdı. Hazırkı araşdırmanın hansı futbolçu səbəbindən aparıldığı hələ məlum deyil.Məsələ ilə bağlı "Çelsi"nin mətbuat xidmətindən bildirilib ki, oyunçuları FİFA-nın reqlamentinə uyğun olaraq transfer edir.pia.az