Azərbaycan sahibkarları dünya bazarlarına niyə çıxa bilmirlər?

“Sahibkarlarımızın qonşu ölkələrin bazarlarına və ya hər hansı bir bazara çıxış əldə etməsi üçün heç bir siyasi əngəl yoxdur”

Bunu Azərbaycan prezidenti İlham Əliyev qeyri-neft ixracatçılarının Yevlaxda keçirilən respublika müşavirəsində deyib. Millət vəkili Vahid Əhmədov Sputnik Azərbaycan-a bildirib ki, bu vaxta qədər Azərbaycan sahibkarları xarici bazarlara alkaqollu içkilər və kənd təsərrüfatı məhsulları ilə çıxırdılar: “Hal-hazırda Azərbaycanda qeyri-neft sektorunda ciddi irəliləyişlər nəzərdə tutulub. Bu proses davam etdirilir. Məhsullarımız Türkmənistan, Qazaxıstan, Qırğızıstana və digər dövlətlərə ixrac olunur”.“Bizdə kənd təsərrüfatı mallarının ixracında ciddi problemlər yoxdur. Amma onun xarici görünüşü, qablaşdırılması bizim üçün əhəmiyyət kəsb edir. Vaxt var idi, Azərbaycan 30 dövlətə neft maşınqayırma məhsulları ixrac edirdi. Ancaq hazırda zavodlar fəaliyyət göstərmir deyə, biz bu məhsulları idxal edirik. Bununla əlaqədar Rusiya və digər ölkələrlə birgə müəssisələr yaratmaq barədə danışıqlar aparılır. İmkanımız böyükdür və bu sahədə iş görmək lazımdır” – deyə o bildirib.pia.az