Çimmək üçün kanala gedən Ucar sakini itkin düşüb

Quliyev ötən gün rayon ərazisindən keçən Qazyan kanalında çimmək adı ilə evdən çıxıb və geri qayıtmayıb

APA-nın xəbərinə görə, hadisə ötən gün baş verib. Ucar Rayon Polis Şöbəsinə 1973-cü il təvəllüdlü Təhminaz Hüseyn oğlu Quliyevin itkin düşməsi ilə bağlı müraciət daxil olub. Yaxınlarının bildirdiyinə görə, T. Quliyev ötən gün rayon ərazisindən keçən Qazyan kanalında çimmək adı ilə evdən çıxıb və geri qayıtmayıb. Onun adı çəkilən kanalda batdığı ehtimal olunun. Məlumata görə, hazırda kanalda axtarışlara başlanılıb.