Kreml İslam Kərimovun ölümünə münasibət bildirdi

Kreml Özbəkistan prezidentinin ölümü ilə bağlı xəbərlərə münasibət bildirib
Publika.az xəbər verir ki, Kremlin mətbuat katibi Dmitri Peskov Rusiyanın rəsmi məlumatlara üstünlük verdiyini deyib. “Kreml Kərimovun ölüm xəbərinin təsdiq edilmədiyinə əsaslanır. Yeni şərh yoxdur. Biz bilirik ki, müxtəlif xəbərlər yayılır, lakin heç biri təsdiqini tapmayıb. İndi bizdə hər hansı yeni məlumat oxdur. Yalnız onu deyə bilərik ki, dünən gecə yayılan xəbərlər öz təsdiqini tapmayıb”, - deyə Peskov bildirib. Qeyd edək ki, dünən axşam “Fərqanə” agentliyi İslam Kərimovun öldüyü xəbərini yayıb. Özbəkistan hökuməti xəbəri təkzib edib.Agentliyin baş redaktoru Daniil Kislov isə İslam Kərimovun ictimaiyyət qarşısına çıxarılması çağırışı edib.“Fərqanə” agentliyi İslam Kərimovun öldüyü haqda dərc etdiyi informasiyaların dəqiqliyinə cavabdehdir. Lakin ölkə rəhbərliyi susmamalıdır. Mən Özbəkistan hökumətinə, rəsmi qurumlara təklif edirəm ki, prezidentin mətbuat xidməti onun xəstəliyi haqda tibbi məlumatı dərc etsin, yaxud xəstəxanada sağ olduğu göstərilsin”, - deyə o bildirib.pia.az