“20-ci sahə”də tıxac yaradan 5-6 avtobus... - Fotolar

Metronun “Nəriman Nərimanov” stansiyasından Bayıla - “20-ci sahə”yə gedən 5 saylı və “Azadlıq” metrosundan “20-ci sahə”yə işləyən 6 saylı digər “BakuBus” avtobusları sonuncu dayanacaqda həm sərnişinlərin, həm də sürücülərin hərəkətini məhdudlaşdırır

Belə ki, “20-sahə”də maşınlar üçün olan dairədə sıra ilə düzülən 4-5 avtobus avtomobillərin dönüş etməsi üçün nəzərdə tutulmuş sahəni kiçildir. Bu da orada böyük tıxac yaranmasına səbəb olur.Digər tərəfdən isə yolu keçmək istəyən sərnişinlər sıraya düzülmüş avtobuslara görə yolun o biri başından gələn maşını görə bilmirlər. Bu da onların həyatına təhlükə törədir.Bu vəziyyətdən həmin ərazidə xidmət edən taksi sürücüləri də narazıdır.Taksi sürücüləri virtualaz.org saytının müxbiri ilə söhbətində deyir ki, birdən-birə 4-5 avtobusun burada yığılması hərəkətə mane olur: “Günorta saatlarında nisbətən az olur, amma axşam saat 17:00-18:00 radələrində ən azı 7 avtobus yan-yana düzülür. Bura iki avtobus gəlir, onlardan biri heç olmasa yuxarı - köhnə Muxtarov küçəsinə getsə, sıxlıq azalar. Orada avtobusların dayanması üçün sahə də çoxdur, sərnişin də kifayət qədərdir”.Taksi sürücülərinin sözlərinə görə, bu avtobusların hərəkət intervalı cəmi 3 dəqiqə olduğundan onları sayı çoxdur, ona görə burada - sonuncu dayanacaqda qalanların sayı da artır: “Ödəniş kart sistemi ilə olduğundan sürücülər avtobusu tez-tez gəlib dayanırlar burada.  Avtobuslar keçmiş Muxtarov küçəsindən dönüb gəlsə, orada yaşayanlar üçün də yaxşı olar. Orada yaşayan nə qədər adam avtobusa minmək üçün bura piyada gəlir”.Sürücülərdən onu da öyrəndik ki, avtobusların burada dayanmasına xüsusi nəzarət edən, ya da onlara bunu qadağan edən heç kim yoxdur. Başqa sözlə, buradakı böyük tıxaclar “özfəaliyyət” nəticəsində yaranır...(virtual.org)pia.az