Almaniyanın xarici işlər naziri Annalena Burbok aprelin ortalarında Çinə səfər edəcək...
Poliqon xəbər verir ki, bu barədə Almaniyanın Handelsblatt qəzeti mənbələrə istinadən məlumat yayıb. Mənbələrin sözlərinə görə, xanım Burbok aprelin 9-da qeyd olunan Katolik Pasxa bayramından bir neçə gün sonra Pekinə gedəcək. Çindən nazir Yaponiyada G7 ölkələrinin xarici işlər nazirlərinin görüşünə yollanacaq.
Xatırladaq ki, İspaniyanın Baş naziri Pedro Sançes hazırda Çində iki günlük səfərdədir .O, martın 30-da Çinə gəlib. Fransa prezidenti Emmanuel Makron isə gələn həftə Avropa Komissiyasının sədri Ursula fon der Leyenlə birlikdə Pekinə səfər edəcək. Makron bir gün əvvəl bildirib ki, Çin və Avropa arasındakı münasibətlər Çin hakimiyyətinin Ukrayna ilə bağlı gələcək addımlarını müəyyən edəcək.
Poliqon.info