ABŞ və Qərb müttəfiqləri Ukrayna üçün İsrailə bənzər təhlükəsizlik modeli ideyasını müzakirə edirlər...
Poliqon xəbər verir ki, bu barədə The Wall Street Journal nəşr yazıb.
“Bu, ABŞ prezidenti Co Bayden də daxil olmaqla, Qərb liderlərinin müzakirə etdiyi İsrailin hazırda malik olduğu təhlükəsizlik modeli ilə müqayisə olunan modelidir", deyə nəşr yazır.
Polşa prezidenti Anjey Duda WSJ-yə müsahibəsində bildirib ki, Ukraynanın təhlükəsizlik sazişinin bir hissəsi olaraq, silah və qabaqcıl texnologiyaların tədarükünə üstünlük veriləcək. Eyni zamanda, Duda izah edib ki, hazırda belə bir razılaşmanın müzakirəsi gedir. Amma Polşa lideri hansı silah və texnologiyalardan danışdığını dəqiqləşdirməyib.
O, həmçinin bildirib ki, İsrail modeli konsepsiyası Baydenlə fevralda Polşaya səfəri zamanı müzakirə olunub.
Müzakirələrdən xəbərdar olan Qərb rəsmilərinin fikrincə, belə bir təhlükəsizlik sazişi Kiyevin mümkün NATO üzvlüyünə doğru hərəkəti ilə əlaqələndiriləcək, lakin Alyansın faktiki olaraq münaqişə tərəfinə çevrilməsi ilə nəticələnməyəcək.
Poliqon.info