ABŞ-da 69 yaşlı Çikaqo sakini Eva Bratçer ölən anasının cəsədini iki ilə yaxın dondurucuda saxlayıb.
Qadın anasının ölümünü gizlətmək və onun şəxsiyyət vəsiqəsini qanunsuz saxlamaqda ittiham edilib və məhkəmə qarşısına çıxarılıb.
Poliqon.info NBC News -ə istinadən xəbər verir ki, Kentukki sakininin uzun müddətdir 96 yaşlı nənəsinə zəng edə bilmədiyini deyən vətəndaşın ifadəsindən sonra polislər Bratçerin evinə basqın ediblər. Polis evin yanındakı qarajda dondurucu tapıb və orada ölmüş qadının cəsədi aşkarlanıb. Ekspertlərin fikrincə, o, 2021-ci ilin martında vəfat edib.
Müstəntiqlərin sözlərinə görə, Bratçer anasının ölümünü şəxsiyyət vəsiqəsi və ona verilən müavinətlərdən istifadə etmək üçün gizlədib. Qadın əvvəllər də sənəd saxtakarlığına görə məhkum olunub.
Məhkəmə istintaqı zamanı Bratçer həbs edilib və ona 20 min dollar məbləğində girov təyin edilib. Bratçerinin vəkili hakimdən girov məbləğinin azaldılması tələb edib. Amma hakim vəkilin bu tələbini rədd edib.
Poliqon.info
Digərxəbərlər
Populyar xəbərlər
