ABŞ Ukraynanın qalib gəlməsini və Kiyevin Rusiyanın işğal etdiyi bütün əraziləri geri qaytarmasını istəyir...
Poliqon xəbər verir ki, bu barədə The Times nəşri adı açıqlanmayan ABŞ rəsmisinə istinadən yazıb. Məlumata görə, ABŞ-ın Ukraynaya verdiyi dəstəyin əsas məqsədi Ukraynanın qələbəsini təmin etmək və bütün itirilmiş ərazilərin geri qaytarılmasıdır.
Qəzetin mənbəsinin sözlərinə görə, ABŞ Ukraynanın qələbəsini və Krım da daxil olmaqla bütün ərazilərinin geri qaytarılmasını istəyir. Bundan belə qənaətə gəlinib ki, Amerika Birləşmiş Ştatları yaxın gələcəkdə Ukrayna münaqişəsi ilə bağlı strategiyasını daha sərt strategiyaya dəyişə bilər, deyə məqalədə qeyd olunur.
Qəzetin mənbəsi onu da diqqətə çatdırıb ki, bundan əvvəl Vaşinqtonun məqsədi danışıqlara başlamazdan əvvəl Kiyevi qorumaq və onu güclü hərbi mövqe ilə təmin etmək olub. İndi Rusiya diplomatik danışıqlara maraq göstərmədiyinə görə, mənbə bildirib ki, ABŞ Ukraynaya “müstəqil demokratik ölkə” kimi sağ qalmasına və qələbə çalmasına kömək etməyə davam edəcək.
The Times onu da aydınlaşdırıb ki, əvvəllər ABŞ prezidenti Co Baydenin siyasəti Ukrayna münaqişəsinin Rusiya ilə NATO arasında birbaşa qarşıdurmaya çevrilməsi riskindən qaçmaq zərurətinə əsaslanırdı.
Poliqon.info